1. Startseite
  2. /
  3. Aktuelles
  4. /
  5. Plattdüütsches Punk-Rock -Video op...

Plattdüütsches Punk-Rock -Video op Youtube

Bundesraat för Nedderdüütsch un dat Nedderdüütschsekretariat maakt mit de Schkandolmokers ‘n bietje Punkrock dorbi

Siet teihn Johr maakt De Schkandolmokers nu al plattdüütschen Punk-Rock. Anfungen hett dat mit den Bandwettstriet Plattsounds. Jens Cramer, de Sänger vun de Punk-Band ut’t Ammerland in Neddersassen vertellt, woans ‘n bittje Hip-Hop, ‘n bittje Punk-Rock oder ‘n bittje Metal Plattdüütsch attraktiver för junge Lüüd maken kann.

De Film ‘n bittje Punk-Rock steiht in en Reeg mit en lütt Paket Plattdüütsch mit Yared Dibaba un en ne’et Heimatleed mit de Deichgranaten. De Videos geevt en Inblick in dat plattdüütsche Kulturleven. Se wiest, woans dat Mitnenanner vun Spraken in uns Sellschop unsehn un wat för en besünner Rull Plattdüütsch spelen kann.

De Bundesraat för Nedderdüütsch un dat Nedderdüütschsekretariat bedankt sik bi de Beopdragde vun de Bunnsregeren för Kultur un Medien, de Stütt geven hett för dat Projekt. Ümsett hett de Films de Videoprodukschoonsfirma MOCANOX ut Kiel.

Na den Film op YouTube: https://youtu.be/BEiBn8Rcxik

un en Interview mit Jens Cramer: www.niederdeutschsekretariat.de/schkandolmokers-n-bietje-punkrock-dorbi/➚.